شه‌فه‌ق نيوز/ شانشين عه‌ره‌بى سعودى، ئاشكراى مردن مير ته‌ڵاڵ بن سعود بن عه‌بدولعه‌زيز ئال سعود كرد.
ديوان پاشايه‌تى له به‌ياننامه‌يگ وت: مير ته‌ڵاڵ بن سعود بن عه‌بدولعه‌زيز ئال سعود ئمڕوو په‌نجشه‌ممه 3/ 7/ 1441 كووچى ماڵئاوايى يه‌كجارى له دونيا كرد دوياى نماز ئيواره له مزگفت ئيمام توركى بن عه‌بدوڵڵا له شار رياز نمازى خوه‌نيه‌ێد.
جى باسه، مير ته‌ڵاڵ بن سعود ك له‌ته‌مه‌ن 68 ساڵان، چه‌ن پۆستيگ وه‌رزشى داشتگه، له‌وانه‌يش سه‌رۆك يه‌كێتى سعودى ئه‌را تووپ سه‌وه‌ته، سه‌رۆك يه‌كێتى كه‌نداو ئه‌را تووپ سه‌وه‌ته، سه‌رۆك يه‌كێتى سعودى ئه‌را تووپ ده‌س، ئه‌ندام ليژنه‌ى ئۆڵه‌مپى سعودى، جيگر سه‌رۆك يه‌كێتى ئاسيايى ئه‌را تووپ سه‌وه‌ته‌و چه‌ن پۆستيگ تر وه‌رزشى.