شه‌فه‌ق نيوز/ كلكرياگ تايبه‌ت ريكخرياگ هاوكارى ئسلامى ئه‌را ميانمار باس له‌وه كرد و وت: بايه‌سه له‌بان نه‌ته‌وه‌يل يه‌كگرتگ ده‌خاڵه‌ت له ولايه‌ت راخين له ميانمار بكا له‌وه‌ر نواگيرى له زيايبوين تون وتيژى دژ موسڵمانه‌يل رۆهينغاو دويره‌وخستن له‌ناوبردن وه‌جه‌م جوور ئه‌وه‌گ له كه‌مبوديا و رواندا كه‌فته‌و.
له‌ى باوه‌ته‌و، سكاى نيوز له زووان سه‌يد حامد ئه‌لبار كلكرياگ تايبه‌ت وت: ئه‌و كيشمه‌كيشه ك بويه هووكار مردن نزيكه‌ى 86 كه‌س و هه‌يواين نزيكه‌ى 66 كه‌س وه‌ره‌و به‌نغلاديش له سه‌ره‌تاى ده‌سوه‌پيكردنى له ئوكتۆبه‌ر 2016، كيشه‌يگ ناوخوه‌يى نيه‌و بويه‌سه جى گرينگى ناوده‌وڵه‌تى.
جى باسه، ئه‌لبار هه‌ميش وت: بايه‌سه له‌بان ريكخرياگ هاوكارى ئسلامى هه‌وڵ بيه‌ێد له‌وه‌ر خاتر ئه‌وه‌گ نه‌ته‌وه‌يل يه‌كگرتگ ده‌خاڵه‌ت بكا ئه‌را نواگيرى له مه‌سه‌له‌ى له‌ناوبردن وه‌جه‌م موسڵمانه‌يل رۆهينغا.