شەفەق نیوز/ نۊنەرایەتی گشتی ئۆکرانیا، ئمڕوو سێشەممە، راگەیان پەیاکردن تەرم ٧ کەس لە ژیزەمینەیگ لە ناوچەی کیێڤ خوەرهەڵاتی پەیا کریا، ک لە کۆتایی مانگ ئادار سوپای رووسیا لەلی کێشاوە.   

نۊنەرایەتیەگە پۆستیگ لەبان فەیسبووک وەگەرد وینەیلیگ ئەرا تەرمەیلە بڵاو کرد و نۊسان: تەرم شەش مەدەنی لەژیرزەمینەی ماڵیگ پەیا کریا زەخمەیل گولە وەپیان بۊ.  

وتیش: وەگورەی یەکەمین بنەمایل لێکۆڵینەوە،  سەربازەیل رووسیا کەسەیلیگ مەدەنی لە ئاوای سیفچیلکۆڤۆ لە ناوچەی برۆفاری نزیک کیێڤ کوشتنە.  

دەسەڵاتەیل ئۆکرانیا لە رووژەیل دۊایین پەیاکردن سەدان لە تەرم مەدەنیەیل لە ناوچەیل دەورگرد کیێڤ راگەیان جۊر ناوچەی بوچا و ئیربین، دۊای کیشانەوەی هێزەیل رووسیا لەناویان.