شەفەق نیوز/ ئاژانس ژینگە (EA) لە ڕاپۆرتیگ کە ئمڕوو چوارشەممە بڵاوی کردگە، ئاشکرا کرد کە ٦ ملیۆن بینای عەقاری لە ئینگلتەرا رخداری نوقمبوین ژیر ئاو هابانیان لەوەر لافاو تا ساڵ ٢٠٥٠.

 وەگورەی راپۆرتەگە، "نزیکەی 6.3 ملیۆن بینای (ماڵ و بازرگانی) لە ئینگلتەرا لەو ناوچەیلە کە رخداری لافاو هابانیان لە سەرچەوەیگ یا چەن سەرچەوەیگ جویر چەم و دەریا و ئاو رویزەوی."

 وەگورەی لێکۆڵینەوەگە، تا ساڵ 2050، بڕ شمارەی ئەو ماڵ و موڵکەیلە کە رخداری لافاو دیرن، لەوەر ئاڵشتبوین کەشوهەوا توەتێد بڕەسێدە 8 ملیۆن کەس.

 لە ڕاپۆرتەگە هاتگە: "تا ناوڕاس سەدە، یەک لە هەر چوار بینا لە ئینگلتەرا لەو ناوچەیلە رخداری لافاو هابانی".

 زانایەیل هوشداری دان کە لافاویگ تونتر توەنێد لیکەفتەی ئابووری رخبەر ئەرا وڵاتەگە بارێد.

 ڕاپۆرتەیل دەسنشان ئەوە کەن کە زیانەیل لافاو لە ئینگلتەرا و وێڵز لە ناوەین ساڵەیل ٢٠١٦ تا ٢٠١٩ لە ناوەین ٥٠٤ تا ٩٢٤ ملیۆن پاوەند بویە.

 جی باسە کە بەریتانیا ساڵانە لەوەر واران لافاویل گەورە وەخوەی دوینێد و لە مانگ ئەیلول ئمساڵ ئەو لافاوەیلە کە لە ئەنجام وارانەیل فرە دروس بوین بویە مدوو ژیرئاوکەفتن نزیکەی ٦٥٠ باڵەخانە لە گشت ئینگلتەرا.