شەفەق نیوز - واشنتۆن
وەڕێوەبەرایەتی ئاگرکپەوکردن لۆس ئەنجلۆس، ئکڕوو پونجشەممە ڕایگەیان کە کار لە رزگارکردن ١٥ کەس لەلای کەمەو کەن کە لە ژیر رمیاگەیل تونێلیگ لە شارەگە گیر خواردنە.
ڕۆیتەرز لە زار سەرۆکی شارەوانی کارین باس لە بەیاننامەیگ کرد کە لە سۆشیال میدیا بڵاوی کردگە کە زیاتر لە ١٠٠ کارمەن وەڕێوەبەرایەتی ئاگرکپەوکردن لۆس ئەنجلۆس رەوانەی رویداوەگە کریانە لە جادەی ١٧٠١ باکوور فیگوێرۆ، کە بویەسە شوین تاکە دەریگ ئەرا تونێلەگە.
وەگورەی ئامارەیل زەڕێوەبەرایەتی ئاگرککپەوکردن لۆس ئەنجلۆس، هاتێ کەسەیلیگ تا شەش میل لە تاکە دەروازەی تونێلەگەو گیریان خواردنە. تیم مینەکردن و فریاگوزاری کار تایبەت ئەرا رەفتارکردن و ڕزگارکردن لە تونێل تەنگ و ئامێر تایبەت دیرن، ئەرا شوینەگە کلکریانە.
زەڕێوەبەرایەتی ئاگرکپەوکردن لۆس ئەنجلۆس چوار تیم تایبەت مینەکردن و فریاگوزاری دیرێد کە گشتیان گورجەو کریانە.
کەناڵ فۆکس ١١ لۆس ئەنجلۆس بڵاو کرد کە چەن کراکاریگ لە تونێلەگە کیشیانە و توەنستنە وە تەنیا وەپیەو بچن، ڕاپۆرتەیل دەسنشان کەن کە ەڵ کرێن هاوریانەسە دەیشت.
رمیانەگە لە پڕۆژەی تونێل ئاوەڕۆی لۆس ئەنجلۆس رویداگە کە خەرجی بڕ ٦٣٠ ملیۆن و ٥٠٠ هەزار دۆلار بویە.
کۆمپانیای فلاتیرۆن دراگادۆس، پەیماندەر سەرەک پڕۆژەگە، لە ماڵپەڕەگەی راگەیان کە درویژیی تونێلەگە ٧ میلە و پانییەگەی نزیکەی ١٨ پاس و کەفێدە ٤٥٠ پا لە خوار ئاست زەوی.