شەفەق نیوز/ ئاشتون کارتەر ک لە سەردەم حکومڕانی باراک ئۆباما سەرۆک وەرین ئەمریکا، وەزیر وەرگری بوی،  لە تەمەن ٦٨ ساڵی دویاکووچی کرد.

خانەوادەی ئاشتون لە بەیاننامەیگ وت: وە خەفەت قویلیگ خانەوادەی ئاشتون کارتەر وەزیر وەرین وەرگری، راگەینێد ک کارتەر (ئیوارەی دووشەممە) لە بۆستن وە قەیران دڵ ناکاوی دویاکووچی کرد.

بەیاننامەگە وتیش: کارتەر شوی وباوگ و مامووستای خوەشەوەیستیگ بوی، هەرکەسیگ ناسینەسەی ئەوەسا خەفەت لەدەسدانی خوەێد.

کارتەر لە ماوەی ساڵ ٢٠١٥ تا ٢٠١٧ لە پۆست وەزیر وەرگری بوی، ک ئەو ماوەس ک رەسیە لویتکەی جەنگ داعش.

هەمیش سەرپەرشتیاری لەبان ئاڵشتکردن فرەیگ کرد لە سوپای ئەمریکا، جویر وازکردن مەیدان جەنگ ئەرا ژنەیل، و هەڵگردن قەیەغەی خزمەت هاوڕەگەزی وەشیوەیگ ئاشکرا لەناو هیزە چەکدارەیل.

بایدن ک لە سەردەم ئۆباما جیگر سەرۆک بوی، دەسخوەشی لە کارتەر کرد و وت: ئەمریکی مەزنیگە وە بەرزترین پلەی دەسپاکی.