شەفەق نیوز/  فرۆکەیل ئیسرائیل، شەوەکی ئمڕوو پەنجشەممە، پەلامار ناوچە جیاوازەیل باشوور لوبنان دان، لە ئەنجام مردن و زەخمداری لەلیان کەفتەو.

سەرچەوەیل راگەیانن، پەلامارەگە وەبان شارەیل کفرتبنێت  و کفرمان و نەبتینە بویە وەرد ناوچەی کەرک لە خوەرهەڵات، لە ئەنجام 9 کەس کوشیان و زیارتر لە 10 کەس زەخمداربوین.

هەمیش لە شەوەکی شەفەق  گورزەیل ئیسرائیلی وەبان شارەیل یەحمر، سەمحر، لبایا ل خوەرهەڵات کریا، وەگەرد ناوچەیگ فراوان لە دبین لە قەزای مەرجعیون.

لەوەختیگ لە ئۆکتۆبەر گوزەشتەو جەنگ لەناوەین ئیسرائیل و بزوتنەوەی حەماس لە کەرت غەززە دروسبوی تا ئیسە، سنوور لوبنان و ئیسرائیل وە شیوەی نیمە رووژانە گورزەیلە ئاڵشتکەن.