شەفەق نیوز/ وەزیر ناوخوەی تورکیا عەلییەرلی قایا، ئمڕوو سێشەممە،  مردن دویەتیگ و زەخمداری 69 کەس راگەیان  لە ئەنجام زەویلەرزەیگ کە دویەشەو لە باشوور خوەرئاوای تورکیا رویدا  

یەرلی قایا لە پۆستیگ لەبان پێگەی "ئێکس ـ تویتەر وەرین" وت: زەویلەرزەیگ وە هاز 5.8 پلە دایەس لە ناوچەی مەرمەریس لە ویلایەت موغلا و لە ویلایەتەیل دەوروگەردیشی هەس وە لەرزەگەی کریاس.

ئاشکرایکرد، وەپای وەدویاچگنەیل سەرەتایی هویچ وێرانکاریگ توومارنەکریاس، تیمەیل ئیدارەی کارەساتەیل و فریاکەفتن "ئافاد" و دەسەیل پەیوەنیدار وەردەوامن لە کارەیل روپێوی مەیدانی لە ناوچەگە. 

دیاریکرد، "لە ئەنجام لەرزەگە مناڵیگ وەناو ئەفرانور غونلو 14 ساڵان لە ناوچەی فەتحیە وە مدوو تویشهاتن وە نۆرەی رخ ئەراخەستەخانە کلکریاس باوجی وەخەو نەتوەنریا قورتاربکرێد".

وەپای وێستگەی  "RT"   69  هاوڵاتی تویش زەخمداری هاتنە وە مدوو پەڕن لە ناوچەیل بەرز فریاکەفتن لەو شوینە ئەرا 14 کەس ئەنجام دریاس و 46 هاوڵاتی لە خەستەخانە چارەسەرکریانە.