شەفەق نیوز/ وەرپرسەیلیگ، رووژ شەممە، راگەیانن خوەکوشیگ خوەی لەناو چێشتخانەیگ لە شار بینی خوەرئەڵات کۆنگۆ تەقانەو و وەلایەن کەم پەنج کەس کوشیان.    

یە نیشاندەر دۊیایین پەلامارە لە ناوچەیگ ک هێزەیل کۆنگۆلیس و ئۆگەندا هەڵمەتیگ دژ وە چەکدارە گومانلێکریایەیل ئیسلامییەگان دەسوەپیکردنە.    

قسەکەر هەرێمەگە لە بەیاننامەیگ وت: "خوەیکوشەگە وەلایەن پاسەوانەیل ئاسایش ڕێگری لەلێکریاگە بچوودە ناو یانەی جەنجالیگ و بۆمبەگەی هەر لە دەر یانەگە تەقانییە".       

وتیش: لە تەقینەوەگە شەش کەس کوشیان،  و 14 کەس زەخمداربۊین، دو وەرپرس ناوخوەیی هامابەێنیان.    

کۆنگۆ و ئوگەندای هاوسای لە کۆتایی مانگ تەشرین دۊیەم هەڵمەت سەربازیگ لە هەرێمەگە دژ هێزە هاوپەیمانەیل دیموکرات  دەسوەپیکردن، ک گروپیگ پاڵپشتی داعشن وەرپرسەیل ئەو گروپە لە وەرین وەرپرسیارەتی  لە تەقینەوەی ناوچەگە ئەڵگردنە.