شەفەق نیوز/  دەسڵاتدارەیل تایوان، ئمڕوو پەنجشەممە، مردن کەسیگ و زەخمداری 73 کەس راگەیان وە زریان تونیگ کە دایەس لە وڵاتەگە و بویەسە مدوو پەککەفتن مەکتەو و کۆمپانیاگان و دەیان هەزار سەرباز ئەراخوەپارێزی کووەوکریانە.

ئاژانس "فرانس پرێس" راگەیان قوربانیەگە ژنیگە تەمەن پەنجا و هەفت ساڵان لە ئەنجام کەفتنەخوار داریگ کە واگە بڕیەسە و کەفتیەس وەبان ماشینەگەی گیان لەدەسداس لە هەرێم نانتو لەناوڕاس جەزیرە.

خێرایی وا زریانەگە رەسیەس ئەرا 184کیلومەتر لە ساعەتیگ وەگەرد واران رفتیگ، نیمەڕووی ئمڕوو وەپای وەخت ناوخوەی دایەس لە باشوور خوەرهەڵات تایوان لە ناوچەیگ کە دانشتگەیلی کەمە و لە بنەڕەتەو خاوەن وەرز واران وارینە و بەشیگ فرەیگ لە دانشتگەیلی چووڵی کردنە.

وەرجە ئەوەگ بڕەسێدە هشکایەگە شمارەیگ شەپوول توومارکریاس کە بەرزیەگەی رەسیەس ئەرا دە مەتر  وەلای کەم 27 کەس زەخمداربویە لەوەر بەدی کەشوهەوا.