شەفەق نيوز- لیشبۆنە

دەسەڵاتەیل پورتوگال، مردن 1331 کەس لە ئەنجام شەپوول گەرمی لە وڵاتەگە لەناوەین 27تەمموز گوزەشتە و15ی ئاب راگەیانن، لە بەرزەوبوین وەرچەویگ ئەرا مردنەیل کە رەسیە 25 % لەی ماوە.

 وەگورەی بەیاننامەیل فەرمی، زیاترین مردن لەناو کەسەیل ئەوبان تەمەن  75 ساڵە بویە، کە بەرزەوبوین گەورەی پلەی گەرمی بیماریەیل درویژماوەیان سەختەو کرد، وەتایبەت بیمارەیل دڵ و هەناسە.

ناوچەیل باکوور و ناوڕاس و باشوور ئەلينتيخو لە پورتوگال بەرزترین رێژەی مردنەیل لەوەر گەرمی توومار کردن، وەگورەی تووڕ خەوەری  "يورۆنيوز".