راگەیانن، لە دیسەمبەر 2019 دادگای پاکستان سزای لە سێدارەدان غیابی دەرکرد ئەرا سەرۆک سەربازی وەرین پەرویز موشرف لەدوای تاوانبار کێدنی وە "خیانەت باڵا".

سەرۆکە کووچکردگەگە فرەیگ لە وەختەیلی وە ئاوارەیی مابەین دوبەی و لوبنان وەسەر بردیە.

رۆیتێرز راگەیان، موشرف (79ساڵ) نزیکەی دەساڵ حکومڕانی پاکستان کرد لە دویای ئەوەگ کودەتایگ  وەبی خوین کرد لە ساڵ 1999 و سەرپەرشتی گەشەی ئابووری خێرای وڵاتەگە کرد و تەقەڵای بڵاوکردن بەهای لیبڕاڵیدا لەو وڵاتە ئسڵامی کۆنەپەرستە.

 سێ جار رێکحریاگ قاعیدە و ئیسلامیەیل توونڕەو تەقەڵای کوشتنی دانە، و لە ساڵ 2008 لە پاکستان یەکەمین هەڵوژاردن دیموکراتی ئەنجامدریا و حیزبەگەی موشرف سەرکەفتی نەوی، لە وەرانوەر لێپیچینەوەی لە پەرلەمان موشرف دەسکیشا لە سەرۆکایەتی و ئەرا لەندەن فەرارکرد.

لە ساڵ 2013 موشرف ئەرا پاکستان گلەوخوراد تا خوەی ئەرا هەڵوژاردن پەرلەمان کاندید بکەێد باوجی بڕیاریگ دەرچی لە خوەی کاندید کردن بیبەش بوی، و لە ساڵ 2016 ری وەپی دریا وڵاتەگە وەجی بیلێد و ئەرا دوبەی بچوود.