شەفەق نیوز ـ هانوی
دەزگا راگەیاننەیل ڤێتنام، ئمڕوو دووشەممە، خەوەردان لە مردن 15 گەشتیار وەلای کەم، و زەخمداری کەسەیل ترەک، وە مدوو نقومبوین بەلەمیگ گەشتیاری لە نزیک کناراوەیل دورگەی فۆکۆک، کە یەکیگ لە رویگەیل گەشتیاری لە ڤێنام، دەسەڵاتدارەیل وەردەوامن لە مینەکردن و لێکۆڵینەوە لە چوینیەتی رویداوەگە.
رویداوەگە هنای رویدا بەلەمیگ گەشتیاری پلیا کە 32 گەشتیاری هیندی و چوار ئەندام دەسەگە لەناوی بوی ئەرا بەندەر ئان سوی گلەوخوارد، وەرەوڕوی شەپوول سەختیگ و وای قایمیگ بویە وەپای دەزگا راگەیاننەیل ڤێتنامی.
وەپای راپۆرتەیل لە دویری میلیگ دەریایی لە دویرگەگە پلیایە، هەوەجە کردیە تیمیگ فریاکەفتن دەسوەجی تەرم 21 کەس دراوردنە ئەرا چارەسەرکردن کلکریانە خەستەخانە، و دوانیان تەندروسییان ناجیگیرە.
سکرتێر حیزبەگە لە کەرت ئان جینانگ، نغوین تیان های، دووپاتکردن، سەرەتا ئۆپراسیۆنەیل رزگارکردن و دراوردن قوربانیەیل کرێد وەگەرد چەودێری پزیشکی دەسوەجی ئەرا زەخمدارەیل.