شەفەق نیوز/ شەپوولیگ گەرمی وڵات هیندیستان گردیەسەو کە پلەی گەرمی لەماوەی هەفتەی وەرین لە بڕیگ ناوچە رەسیە 49.9 پلەی سیلیزی وە هووکارەو 14 کەس گیان لەدەسدان.
حکومەت ویلایەت بیهار، لە بەیاننامەیگ بڵاویکرد، لە ویلایەتەگەی 14 کەس گیان لەدەسدانە، هەنای پلەی گەرمی 44 پلەی سلیزی رەدکردیە.
لە مانگەیل نیسان و ئایار و حوزەیران فرەیگ لە ناوچەیل هیندستان گەرمن و لەدویای ئەوە واران وارین دەسوەپی کەێد و کەشوهەوا هوونکەوبوود.