شەفەق نيوز- وەشوینکەفتن 

زانکۆی نیو مەکسیکۆ لە ئەمریکا، ئمڕوو جمعە، خەوەردا کە کەسیگ گیانی لەدەسدا و کەسیگیش زەخمدار بوی، لە ئەنجام رویداو تەقەکردن لەناو زانکۆیگ لە شار ئەلبوكيركی.

زانکۆگە لە بەیاننامەیگ وت: لە یەکەم ساعەتەیل شەوەکی رووژ 25 تەممووز 2025، زانکۆی نیو مەکسیکۆ ئاگاداری لە تەقەکردن لەناو کۆمەڵگەی "كاساس ديل ريو"، لە ناونیشان 420 ريدوندو درايڤ باکوور خوەرھەڵات ئەلبوكيركی وەرگرد.

وتیش: مەوقەی رەسین پولیس، دوو کەس لەو ناوە پەیا کریان کە وە گولە زەخمدار بوین، یەکیگیان گیانی لەدەسدا، و ئەوەکە زەخمەیلی سەختە، وتیش: تەقەکەرەگە هیمان ئازادە، و هاتێ هیمان لەناو زانکۆ بوود.

   جویراجویر ویلایەتەیل ئەمریکا زیان لە بەرزەوبوین ریژەی رویداوەیل تەقەکردن وەخوەیان دوینن، تەنانەت پولیس شار نیویۆرک، لە مانگ کانوون دویەم گوزەشتە ئاهەنگ کرد وە بوونەی ئەو. کە پەنج رووز وەبانیەک تەقە نەکریاس، ئەو چشتە کە یە 30 ساڵە نەویە، و پولیس لەبان ئێکس وت: بە درویژترین ماوەس وەلی تەقەکردن.

ئەو خوەشیە وەردەوامی نەیاشت، کە دویای 4 خولەک لەو پۆستە، کابرایگ لە تەمەن 34 ساڵە، لە گەڕەک "برۆكلين" لە نیویۆرک، وە چەن گولەیگ زەخمدار بوی.