شەفەق نیوز/ فەرماندەیی ناوەندی ئەمریکا، ئمڕوو شێشەممە، ویرانکردن دوو سیستەم مووشەک و ماشینیگ راگەیان، لەو ناوچەیلە کە هانە دەس حووسییەیل لە یەمەن.

(سنتكوم) لە بەیاننامەیگ کە لەبان پلاتفۆرم ئێکس بڵاوی کرد ویرانکردن فرۆکەیگ بیفرۆکەوان حووسییەیل لەبان دەریای سوور راگەیان.

وتیش: دەرکەفت ئی ئامانجەبلە هەڕەشەی ئاشکرا و نزیک وەبان هیزەیل ئەمریکا و هیزەیل هاوپەیمانی و کەشتیەیل بازرگانی لە ناوچەگە دروس کەن، و ئی ریکارە ئەرا مقیەتیکردن ئازادی کەشتیوانی جیوەجی کریا و تا ئاو ناودەوڵەتی ئارامتر بوود ئەرا کەشتییەیل ئەمریکا و هیزەیل هاوپەیمانی و کەشتیەیل بازرگانی.

ئاژانس خەوەری "سبأ" یەمەنی سەروە حووسییەیل وەرجەیە وت: ئەمریکا و بەریتانیا گورزیگ وەبان پارێزگای حودەیە جیوەجی کردن.