شەفەق نیوز/ تید پڕایس قسەکەر وەناو دەرەوەی ئەمریکا وت: سەبر ئەمریکا لەبان ئیران لەباوەت هاتنەوەی ئەرا گفتوگۆەگان دەربارەی رێککەفتن نەوەوی ئەرا ساڵ ٢٠١٥ سنور دیرێد.
ئیران وەفەرمی وەڵام ئی خستەڕوو ئەمریکا ئەرا کۆبونەوەی هاوبەشیگ وەگەرد ئەو دەوڵەتەیلە دەربارەی رێککەفتنەگە نەیا.
وهەنای لە چەوپێکەفتنیگ رۆژنامەوانی پرسیار لەلی کریا ئایا ئی خستەڕووە مەوقەی کۆتایی دیرێد؟، پرایس وت: ئەو گامەیلە ک ئیران وە پێشێلکردن بەندەیل رێککەفتنەگە بردەیان کارەگە کردە جوور سەروەسەرنان زوینەیگ لەنوای ئەمریکا.
و وتیش: سەبرمان سنوور دیرێد، و سەرۆک لەی باوەتە ئاشکرا بوی و بڕوا دیریمن ک خاسترین ریەگان ئەرا مسۆگەرکردن وەدەسنەکەفتن چەک نەوەوی ئەرا ئیران خوەی ری دیبلۆماسیە.