شەفەق نیوز/ باڵیۆزخانەی ئەمریکا لە بەیروت، ئمڕوو شەممە، داوا لە مەردمەگەی کرد زویوەزوی لوبنان وەجی بیلن، لەسای گورزەیل وەردەوام ئیسرائیل وەبان بەیروت.

خانمە باڵیۆز ئەمریکا لە بەیاننامەیگ لەبان ماڵپەڕ ئەلیکترۆنی خوەی وت: نووڕێدە رەوشەیل کەرت باشوور بەیروت، وتیش: وەزارەت دەیشت ئەمریکا گاڵ هاوڵاتیەیل دا وەرەو لوبنان نەچن، و وە نزیکترین وەخت بیلنەی جی، تا ئەوەنە فڕۆکەوانی بازرگانی مەنیە.

خانمە باڵیۆز ئەمریکا تەمەی هاوڵاتەیل ئەمریکی کرد لەوانەگ خوازن لە لوبنان بمینن، پلانیگ ئەرا رەفتارکردن وەرد وەختە سەختەیل بیاشتوون، و ئامادە بوون تا لە شوین خوەیان بمینن ئەگەر لەیە زیاتر سەخترەو بوی، و داوا لەو مەردم ئەمریکیە کرد کە هانە ناو لوبنان، و لە نزیک سنوور سوریا، لەناو بڕەیل کووچبەرەیل، وەزوی ئەو شوینەیلە بیلنەجی.

شەوەکی زوی ئمڕوو، سوپای ئیسرائیل گورزەیل سەختیگ وەبان ناوچەیلیگ جیاجیا لە کەرت باشوور بەیروت جیوەجی کرد.