شه‌فه‌ق نيوز/ ماڵپه‌ڕ stratfor باوه‌تيگ له‌باره‌ى چونێتى په‌لامار سيبرانىئ ه‌را بان سه‌ياره‌يل تازه بڵاو كرد وه‌ل بڵاوكردن وێنه‌ى سه‌ياره‌گه‌ى سه‌رۆك توركى و له‌تى ئاماژه وه هه‌وڵ كوشتن ره‌جه‌ب ته‌يب ئه‌ردۆغان كرد.
له‌و باوه‌ته‌و، رووژنامه‌ى "يه‌نى شه‌فق" له ماڵپه‌ڕه ئه‌لكترۆنيه‌گه‌ى باس له‌وه كرد ئه‌و باوه‌ه باوه‌تيگ ئاوڕوێ به‌ره ئه‌را چوينێتى ئه‌و په‌لاماره ئه‌را بان سه‌ياره‌يل تازه و وت: ئه‌و ماڵپه‌ڕه ك باس له‌وه ئه‌كا ده‌زگايگ فكريه وه چه‌وديرێ ئاژانس هه‌واڵگيرى ئه‌مريكى، وێنه‌يگ ئه‌ردۆغان بڵاو كردگه له‌ناو سه‌ياره سه‌رۆكايه‌تيه‌گه‌ى و چوارده‌وريشى پاسه‌وانه، ك له‌ى ناونيشانيگ دانرياگه ئويشێد: ئايا ئاماده‌ێد ئه‌را په‌لامار ئه‌لكترۆنى ئه‌را بان سه‌ياره‌يل؟.
جى باسه، رووژنامه توركيه‌گه ئاماژه وه‌يه‌يش كرد ك هه‌وڵ ئه‌و په‌لاماره وه شيوازيگ پڕ دقه‌ته‌و باس كرياگه‌و گشت گوزارشيگ له‌تى هاورياسه كار و ئه‌ندامه‌يل تيم پاسه‌وانى خاس ئه‌زانن چوين سه‌ياره‌يليان بارنه كار و پاسه‌وانى سه‌رۆكيان بكه‌ن له‌وه‌خت داوزين و جموجويل وه‌تايبه‌ت له‌وه‌خت ته‌كنۆلۆجيا ك په‌لامارداين ئه‌لكترۆنى وه شيوه‌يگ ئاسان ئه‌نجام ئه‌گرێد، وه‌لێ رووژنامه‌گه باس له‌وه‌يش كرد ئه‌و ماڵپه‌ڕ ئه‌مريكيه وێنه‌ى مه‌وكب سه‌رۆك توركى وه وێنه‌يگ ئالشت كردگه دوياى ئه‌وه‌گ مشتومڕ فريه‌يگ له‌باره‌ى كه‌فته‌وه‌و يه‌يش له‌يوا كردگه رووژنامه‌ى توركى ئه‌و په‌لاماره وه هه‌وڵيگ شكه‌ست تاريف بكه‌ن.