شەفەق نیوز/ لەیەودۊا رێ وە هۊچ ئەڵمانیگ یا دانشتگ ئەو وڵاتە نیەدرێد پیت z بەرزەو بکەێد، ک هێماگە جۊر پشتگیری کردنیگە ئەرا ئەو پرۆسە داگیرکاریەی رووسیا وەبان خاک ئۆکرانیا.
قسەکەر وەنا وەزارەت ناوخۆ ئەڵمانیا راگەیان، ئەوانەگ دروشم z لە وڵاتەگە بەرزەوکەن ئەرا پشتگیری لە جەنگ رووسیا وەبان ئۆکرانیا رۊیوەرۊ رێکار یاسایی کریەن.
وتیش، “پیت Z خوەی قەیەغە نییە، باوجی وەکارهاوردنی لە بڕێگ پسای تاك بوود پشتیوانی لە پرۆسەگەی ڕوسیا”.