شەفەق نیوز/ حکومەت ئەڵمانیا شمارەیگ ژن و مناڵ چەکدارەیل ریخریاگ تیرۆریست داعش وەردەگرێدەو.   

ئیدارەی خۆجێیی خوەرئاوای کوردستان لە ببەیاننامەگ راگەیان: شاندیگ وەزارەت دەرەوەی ئەڵمانیا سەردان رۆژئاوای کوردستان کردگە.   

بەیاننامەگە دیاری کرد ک شاندەگە 27 منااڵ و 10 ژن چەکدارەیل داعش وەرگردیە ک وە رەگەز ئەڵمانیین و لە کەمپ هۆل لە حەسەکە دەسگیر کریانە. 

ئیدارەی خۆجێیی رۆژئاوای کوردستان باس ئەوەیش کرد: تا ئیسە 69 مناڵ و 22 ژن ک خەڵک ئەڵمانیان دریانە دەس حکوومەت ئەو وڵاتە. 

کەمپ هۆل لە حەسەکە زیاتر لە 16 هەزار خیزان چەکدارەیل داعش هاناوی دەسگیر کریانە،  فرەیان عراقیین.