شه‌فه‌ق نيوز/ مامۆستايگ زانكۆى سعوديه، باس له‌وه ئه‌كا جه‌مال خاشقچى نويسه‌ر سعودى هيمان زينگه‌و نه‌مرگه‌و باس له كوشيان و مردنى پيلانيگ بويه‌و سعوديه گرته‌سه ئامانج.
ساڵح ئه‌لسه‌عدون سه‌رۆك به‌ش خوه‌نين كۆمه‌ڵايه‌تى له كۆليژ مامۆستايه‌يل له عه‌رعه‌ر و مامۆستاى وه‌رين له زانكۆى حدود باكوور له لاپه‌ڕه‌ى خوه‌ى له تويته‌ر وت: جه‌مال خاشقچى خيانه‌تكار نه‌مردگه‌و مه‌ندگه‌و هويچ تاوانيگيش دژى ئه‌نجام نه‌درياگه، وه‌لێ مه‌گه‌ر له‌ئاينده بكوشيه‌ێدو لاشه‌ى پارچه پارچه بكريه‌ێد له هه‌فته‌يل ئاينده.
ئه‌لسه‌عدون وت: ئه‌و هه‌واڵه‌يله ك وه‌ده‌س ره‌سينه، ئه‌وش شيه‌وكردن كه‌سيگ ئه‌مريكيه ك نه‌تواس ناوى ئاشكرا بكريه‌ێد ك يه‌يش شيوازه‌يليگه له‌باسكردن و جى سه‌رسوڕمه‌نينه وه‌ئه‌وه‌گ گشت چشتيگ باس ناكريه‌ێد له‌وه‌ر مه‌سه‌له‌يل باڵاى نيشتمانى، يه‌يش له‌وه‌ختيگ چالاكوانه‌يل باس له‌وه ئه‌كه‌ن ك ئه‌لسه‌عدون له‌ى قسه‌يليه مزايده ئه‌كا له‌بان حكومه‌ت له‌ڕێ وه‌درووخستن ئه‌نجامداين ئه‌و تاوانه دوياى ئه‌وه‌گ حكومه‌ت سعوديه وه بڵگه‌وه‌و دگان وه كوشيان خاشقچى نا.