ڕۆڵ شاه تا رادەی فرەیگ لە مالیزیا رسوومیە، باوجی کاریگەریی لەی ساڵەیل گوزەشتە زیایەو بوی، دویای جیوەجیکردن دەسەڵاتەیل رێزی، کە وەدەگمەن وەکار تیارێد، ئەرا نواگیری نا ئارامی سیاسی.
سوڵتان ئیبراهیم ٦٥ ساڵە، لە شوین سوڵتان عەبدولڵا سوڵتان ئەحمەد شته تیەێد، کە چوودەو ئەرا وەڕیەوبردن ویلایەت باهانح شوین لەداڵگبوینی، دویای تەواوکردن ٥ ساڵ لە ماوەی حوکمڕانی.
مالیزیا شیوەیگ ناوازە لە سیوەیل شاهی جیوەجی کەێد، کە نۆ سوڵتانەیل وڵاتەگە وەشوین یەک هەر ٥ ساڵیگ یەکیگیان بوودە شاه.
لە وەختیگ نووڕنە شاه جویر کەسیگ ئەوبان سیایەت، سوڵتان ئیبراهیم وە ئاشکرایی و کەسایەتییگ سامدار وەناوبانگ بوی، و فرە جار پکە ناو کارەیل سیاسەت لە مالیزیا.
سوڵتان ئیبراهیم، کە ناسیاگە خاوەن بڕ گەورەیگە لە ماشیگ و ماتوورسکیڵ گرانبەها، هەمیشە وە خاوەن بەرژەوەنیەیل فراوانیگ لە ماڵ وعەقار ناسیاس، کە بەشیگ لە فۆرست سیتی دیرێد، کە ئەوەیش پرۆژەیگ عەقاریە بایی ١٠٠ ملیار دۆلار وەرانوەر ویلایەت جوهور.