شه‌فه‌ق نيوز/ جون ماكين ئه‌ندام ئه‌نجومه‌ن پيره‌يل ئه‌مريكى له حزب كۆمارى له شار سيدنى باس له‌وه كرد ك فلاديمير بۆتين سه‌رۆك رووسى هه‌ڕه‌شيگه گه‌وراتر له ريكخرياگ ترۆريستى داعش.
ماكين باوه‌ڕى ئه‌وه‌سه ك ده‌خاڵه‌تكارى په‌سپياگ مۆسكۆله هه‌ڵوژاردنه‌يل خارجى خه‌ته‌ريگ له‌بان ديموكراسيه‌ت دروس ئه‌كا.
جى باسه، ماكين ئه‌را ئێزگه‌ێ ئوستارالى(ئه‌ى بى سى)وت: باوه‌ڕم ئه‌وه‌سه ك بۆتين يه‌كه‌مين و گه‌وراترين هه‌ڕه‌شه‌يگه فيشتر له ريكخرياگ ترۆريستى داعش و شايه‌ت ئى ريكخرياگه چشته‌يليگ ترسناك ئه‌نجام بيه‌ن، وه‌لێ رووسه‌يل هه‌وڵ ئه‌وه ئه‌يه‌ن له‌كه‌دار ديموكراسيه‌ت بكه‌ن وه‌تايبه‌ت ئاڵشتكردن هه‌ڵوژاردنه‌يل ئه‌مريكى.