شەفەق نیوز- سەرۆک کومار برزیل دە قسەێلێ ئەڵاجەوی وتگە ک ناین دەمامە خراوە ئەڕا ئایم.
بوولسوونارو، دە بەرنامەیێگێ تلیفزیانی ک وە شێوەێ زینگێ بڵاوەو دبی، وت: وەوجوورە ک تەحقیقەێلەێ زانکۆوێ دە ئاڵمان داگەسە نیشان، ناین ماسکیش ئەڕا خوەێ گەنییەێلێ دیرێ دوفێشتر ئەڕا زاڕووەێلە.
ئەوی وتگە: تەمەرکوز نەداشتن، سەرەگێژە و سەرژان ئوو خوەشاڵ نەبیین گشتێ لە خراوییەێلەێ دەم ئەڵپێچانن وە دەمامەسە.
دە وەراوەر ئی قسەێل ئەکووسیاتە، هەواڵنێریێگ ئاڵمانی وتگە ک تا ئێسە هیچ زانکۆ ئاڵمانیێگ ئیجوورە چشتێ نەوتگە و ئەوی وە بان نەزهرئەڵسەنگاننێگ ئانلاین ئی قسە وتگە.
بێژە یە ک چمان ئی قسە هە لە بنەو دروو ببێ، یە یەکم جارە ک ئەڕا کارێگ زانستی، پەیشروو وە رفرنسێگ ئانلاین ددرێ.