شەفەق نیوز/ گەشتیارەیل ماسییگ دەگمەن "قیامەت" پەیا کردن کە نشانەس ئەرا کارەساتیگ نزیک لە دیم باشوور نیمچە دوورگەی باجا کالیفۆرنیا.
ئەو ماسی گەپە دیار بوی درویژییەگەی چەنە تەختەی سڕسڕانەکی بوی، لەشی کەو نوقرەییە و
بوو و بالەی سووریگ لەبان پشتی دیرێد، بەڵام دویچگی زەخمدار بوی.
ئی ماسییە درویژییەگەی رەسێدە نزیکەی ١١ مەتر و کیشی زیاتر لە نزیکەی ٢٠٠ کیلۆگرام بوود.
یەکەمجارە لە ساڵ ٢٠٢٥ لەیجویرە، بەڵام پارەکە مانگیگ وەرجە ئەوەگ زەویلەرزەیگ وەتونی ٧.٠ پلە رویبەێد، ماسییگ ترەک لە ویلایەتی کالیفۆرنیا هاتەدی، کە دامەزراوەی سکریپس وینەی ئەو ماسییە بەڵگە کردگە.
ئی ماسیەیلە ئەفسانەی ژاپۆن وەهویر تیەرن کە وە مەزەنەی زەویلەرزە و کارەسات سروشتی زانێدەی.
پیاییگ خەڵک ناوچەگە رویداوەگەی مەکسیک وەخوەی دیە وت: ئویشن ئی ماسیەیلە هەناێ دەرکەفن کە تسونامییگ فڕە تون رویدەێد.
هەرچەن هیچ بەڵگەیگ زانستی نییە لەبان ئەو قسە، بەڵام دەریا بیس ماسی پادڵی لە کەنار دەریا فڕە داگە چەن مانگیگ وەرجە تسونامی ویرانکەر ژاپۆن لە مانگ ئازار ساڵ ٢٠١١ کە زیاتر لە ١٥ هەزار کەس کوشت و زەویلەرزەیگ وەتونی ٩.٠ پلە لەلی بویەو.