شەفەق نیوز/ دەوڵەت ئیمارات، ئمڕوو پەنجشەممە، کەفتە وەر سەیل ولافاو لە چەن ناوچەیگ، و دەسەڵاتەیل هووشداری دویرکەفتن لە دووڵەیل دان.   

ئاژانس خەوەری ئیمارات (وام) وت: وەزارەت ناوخۆ و فەرماندەیی گشتی پۆلیس وەگەرد تیمەیل پسپۆڕ و وەرگری شارستانی کار کەن، ئەرا ئامادەباشی وەگەرد کەشوهەوای وڵاتەگە، و هەمیش داوا لە خەڵکەگە کرد لەماڵ نەچنە دەیشت تایبەت لەو ناوچەیلە ک واران رفت لەناویان وارێد، مەگەر ئەرا کاریگ گرنگ.   

ئەنجومەن وەزیرەیل فەرمان وە گشت لایەنەیل فیدراڵی دا، تایبەت لە ناوچە زەرەدمەنەیل لە ئیمارەیل شارقی وراس خەیمە وفجێرە، ک دەوام فەرمانبەرەیل نا گرژگ لە رووژەیل پەنجشەممە وجمعە لە ماڵەو بوود.  

وەگورەی سایتەیل خەوەری، فیکەی هوشداری لە ئیمارەت فجێرە کوتیا، دویای ئەوە ک کەفتە وەر لافاوەیل بیوەرینیگ.  

ئیمارە یەکیگ لەو ناوچەیلە بوی ک واران رفتیگ وەخوەی دی و ئاو چەیە ناو ماڵەیلی.

هاووڵاتییەیلیگ وە پارچە ڤیدیۆ داد و هاواریان بڵاو کردن، دویای ئەو لافاو وسەیل تونە ک ئیمارە وەخوەی دی، وەگەرد ئیمارەت راس خەیمە،  شار خورفکان، وهەمیش ئوم قیوین وشارقە وعەجمان.