شەفەق نیوز/ ئیمانوێل ماكرون سەرۆک فەرەنسا، ئمڕوو دووشەممە، وت: وڵاتەگە چیە ناو "ئابووری جەنگ". 

ماکرون لەناو ئاهەنگ پیشانگای چەک وت: خوازێد دووارە هەڵسەنگاندن یاسای بەرنامەی سەربازی (LPM) 2019-2025، بکێد، ودیاری کرد ک ئامانج ئی پرۆگرامە ئەرا گونجانن وەگەرد هەڕەشەیلە، لەپشت جەنگ لە ئۆکرانیا.    

وتیش: داوا لە وەزیر هیزە چەکدارەیل کردمە لەماوەی هەفتەیل بانان دووارەی هەڵسەنگاندن بەرنامەی سەربازی بکەێد، تا وەگورەی رەوش جیوسیاسی بگونجێد.    

ماکرون باس ئەوەیش کرد ک فەرنسا چگە ناو ئابووری جەنگ، وئەوەسا ئەرا ماوەی درویژیگ لەبانی ڕێک خوەمان کەیمن، ودیاری کرد ک توەنیمن وەگەرد ریسگایل پارەگە گوزەران بکەیمن. 

ماکرون وتیش: بەرزەوبوین هەڕەشەیل، جویر ئەوەگ لە جەنگ ئۆکرانیا هەرلە ٢٤ شوبات دیارە، داوایگ زیاتر  ئەرا ەشیوەیگ زویتر و وهیزتر ووەخرجیگ کەمتر  چەسپنێد.