شفەق نيوز/ میدیایەیل راگەیانن هندی، ئمڕوو دووشەممە، خەوەردان کە سەرکردەیل سەربازی هندستان و پاکستان، ئمڕوو لە شوین ئەو هوچان وەختانە، وەیەکەو دانیشتن و قسە کەن، تا بزانن وەرەو کوو رەسن. 

میدیایەیل لە زوان قسەکەر وەزارەت وەرگری هندستان وت: دویەشەو ئاگاداری لە هویچ رویداویگ لە جامو و کەشمیر نەڕەسیە.

 هندستان واز لە ئاگادار کردن فڕۆکەوانەیل هاورد وە بەسانن 32 فڕوکەخانە وەگورەی رینماییەیل هیزەیل ئاسمانی.

فەرمانگەی گشتی ئۆپراسیۆنەیل سەربازی هندی وت: دویەکە سوپا پەیامیگ ئەرا پاکستان کلکرد، لەبان دەسدرویژی و ئەو ئاگربەسیە کە لەی هەفتە لەبانی رێکهاتنە، و ئاگاداری کردن وە نیان نیودەلهی وە وەڵامدان ئەگەر دووارەو بوی.

پیرەکە شەممە، دۆناڵد ترەمپ سەرۆک ئەمریکا لە پۆستیگ لەبان پلاتفۆرمەگەی "تروس سۆشيال" وت: هندستان و پاکستان رێککەفتن لەبان ئاگربەسی گشتگیر و کوتپڕی.

ئاژان "بلومبيرگ" لە سەرچەوەیلیگ وت: بڕیگ لە گەورە وەرپرسەیل لە هندستان فرە تویڕە بوینە دویای راگەیانن رێککەفتن ناوەین هندستان و پاکستان لەلایەن دۆناڵد ترەمپ سەرۆک ئەمریکا، دویای پەلامار هەردوگلا وە تووپ و مووشەک.