شەفەق نیوز/ ئه‌و خانمە ئەفغانی چەو سه‌وزه رەسیە ئیتاڵیا، ك وه مۆنالیزای ئه‌فغانستان ناسریایه، دۊیای ئه‌وه‌گ وێنه‌گەی له به‌رگ گۆڤار "ناشناڵ جوگرافیك" بڵاوکریا.
دۊیای ئه‌وه‌گ بزووتنه‌وه‌ی تاڵیبان له ئه‌فغانستان ده‌سه‌ڵات گردنە ده‌ست، ئه‌و خانمە وەگەرد هەزاران کەسەێلتر ئەفغانستان وەجیهیشتن
نووسینگه‌ی سه‌رۆک وه‌زیران ئیتاڵیا "ماریۆ دراغی" راگەیان، هاوردن "شه‌ربات گولا"، ك وە مۆنالیزای ئه‌فغانستان ناسریایە، ئەرا وڵاتەگەی رێکخستیە، لەوەر ئه‌وه‌گ داوای هاوكاری كردۊد، تا ئه‌فغانستان وەجی بیلید.
حكومه‌ت ئیتاڵیا له به‌یاننامه‌یگ ئاشكەرای كرد، وڵاته‌گه‌ی دەسمیەتی "شه‌ربات" دەێد، تا خوەی وەگەرد زنەیی نوو وڵاتەگە راباێد.
شه‌ربات، له ساڵ 1984 وێنه‌یگ وه‌لایه‌ن فۆتۆگرافه‌ر جه‌نگی "ستیڤ ماكوری" له به‌رگ گۆڤار ناشناڵ جوگرافیك بڵاوکریا، بۊیە مدووی ئه‌وه‌گ وه مۆنالیزای ئه‌فغانستان بناسریەد.