شەفەق نیوز/ فەرماندەیی ئەمریکی لە ئەوروپا و سوپای لیتوانیا، ئمڕوو چوارشەممە، گومابوین 4 سەرباز ئەمریکی لە مەوقەی راهێنان سەربازی لە لیتوانیا راگەیان.
هیزەیلیگ لیتوانیا و بیگانە وەگەرد کۆپتەرەیل هیزەیل ئاسمانی و پاسەوان سنوور بڵاو بوین ئەرا مینەکردن ئەو سەربازەیلە.
ئەو رویداوە مەوقەی راهێنان سەربازی لە شوین راهێنان خوەرهەڵات لیتوانیا رویدا.
سوپای لیتوانیا لە بەیاننامەیگ وت: شوین رویداوەگە دیاری کریا و و ئیرنگە پەیا مینەکردن و رزگارکردن وەڕیەو چوود.
نویسنگەی کاروبار گشتی سوپای ئەمریکا لە ئەوروپا و ئەفریقا لە بەیاننامەیگ دووپات کرد کە ئەو سەربازەیلە لە راهێنان تەکنیکی بویاڵ مەوقەی رویداوەگە.
لیتوانیا ئەندام هاوپەیمان باکوور ئەتڵەسی و یەکێتی ئەوروپا، میوانداری زیاتر لە هەزار سەرباز ئەمریکی کەێد وە نۆرە بڵاو بوون.