شەفەق نیوز- سەنعاء
وەزارەت گواستنەوەی یەمەنی، ئمڕوو چوارشەممە، دووپات کرد کە گرووپ ئەنساڕولڵا "حووسییەیل" پەلامار فڕۆکەخانەی عەدەن ناودەوڵەتی دانە وە دوو مووشەک بالیستی و فڕۆکەی بیفڕۆکەوان.
لەلای خوەیەو، قسەکەر سەربازی وەناو حووسییەیل یەحیا سەریع، خەوەر دا کە هیزە چەکدارەیلیان تەقەلای وەرەونواچگن وەرەو پێگەیلیان لە خوەرهەڵات پارێزگای جەوف پۊچەڵەو کردنە.
وتیش کە"ئامانجگردن گشت گردەوبۊنەیل وە شمارەیگ لە مووشەکە بالیستییەیل و فڕۆکە بیفڕۆکەوانەیل و دوژمن هیچ وەرەونواچگنیگ وەدەس نەهاورد"، وە دووپاتکردن "کەفتن دەیان کەس لە دوژمن لە ناوەین کوشیاگ و زەخمدار، بیجگە لە ویرانکردن شمارەیگ لە ئامرازەیل سەربازی سەر وەپیان".
لە وەختیگ ریخریاگ کووچ ناودەوڵەتی، دووپات کرد لە ئاوارەبۊن فرەتر لە 200 هەزار کەس لە وەخت دەسوەپیکردن جەنگ لە یەمەن لە ناوەین حووسییەیل و هیزە حکومییەیلە.
لەلایگ ترەک ئاژانس "رۆیتەرز" لە زوان وەرپرسەیلیگ وت کە تورکیا پاڵپشتییگ وەرگری و تەکنیکی وە بنەڕەت کل کەێد ئەرا سعودیە ئەرا دەسمیەتییدانی لە جەنگ دژ وە گرووپ حووسی یەمەنی، و ئەوەیش دۊای ئەوەگ ئەنقەرە، کە ئەندامە لە پەیمان باکوور ئەتڵەسی، و پاکستان پەیمان دان وە پابەندبۊن وە جیوەجیکردن پابەندبۊنەیل وەرگری هاوبەش لە چوارچیوەی رێککەفتن مەککە کە لەی دۊاییە لە ناوەین هەر سێ وڵاتەگە واژوو کریا.
تورکیا و پاکستان و سعودیە لە ئاب/ ئۆگۆست گوزەشتە رێککەفتن مەککە ئەرا وەرگری هاوبەش واژوو کردۊن، کە دەق دەێدە بان ئەوەگ هەر پەلاماریگ چەکدار لەبان یەکیگ لە ئەندامەیل وە پەلاماریگ ئەرا بان گشت لایگ دانریەێد.
هەر سێ دەوڵەتەگە کار کەن ئەرا دیاریکردن چوارچیوەیل هاوپەیمانی نوو، و گردەوبوینەیل سیاسی و سەربازی بەسانە جویر وەڵامیگ ئەرا پەلامارەیل حووسییەیل.
جەنگەگە لە ماوەی چەن رووژ گوزەشتە لە ناوچەیل دەورگرد گەروو باب ئەلمەندەب خەسەو بۊ، کە رێڕەویگ دەریاوانییە بایەخەجەی زیای کردگە ئەرا هەناردەکردن وزە لە وەخت کۆتکردن بازرگانی لەڕی گەروو هورمزەو وە مدوو جەنگ ناوەین وڵاتە یەکگرتگەیل و ئیران.
هیزە حکومییە یەمەنییەیل لەی هەفتە، وە پاڵپشتی ئاسمانی لە هاوپەیمانی وە سەرکردایەتی سعودیە، پەلاماریگ پێچەوانە ئەنجام دان ئەرا گلەوهاوردن زەوییەیل ستراتیژی لە نزیک گەرووەگە و دەورگرد شار موخا کە حووسییەیل لە سێپتەمبەر/ ئەیلول دەس گردۊنە بانی، وەلی هێمان ئاشکرا نییە ئەگەر ئی وەرەونواچگنە خوەی بگرێد.