شەفەق نیوز - تەهران

پەرلەمان ئیران بڕیار دا دانیشتن دەنگدان لەبان وەخشین متمانە ئەرا کاندید وەزارەت وەرگری مەهرداد ئەخلاقی، وە ری دەنگدان ئەلیکترۆنی بوود، کە لە ڕووژ یەکشەممەی هەفتەی ئایندە، 18 تشرین یەکەم/ئۆکتۆبەر وەڕیوەچوود.

ئەندام دەسەی سەرۆکایەتی پەرلەمان ئیران ئەحمەد نادری، ئمڕوو شەممە، لە قسەیگ ئەرا ئاژانس خەوەری خوەنەوارەیل ئیرانی "ئیسنا" ئێ باوەته ئاشکرا کرد، و رووشن کرد "هەلومەرجەیل تایوەت ئیرنگە ناچارکەێد  دەنگدانەگە وە شێوەی مەجازی بکریەێد، و  کاغەز دەنگدان وەکارناریەێد".

دانیشتن دەنگدان لەبان وەخشین متمانە ئەرا ئەخلاقی، لە حاڵەتیگ وەڕیوەچگنی وەپای ئێ رێکخسنە، بوودە یەکەمین جار لە مێژووی پەرلەمان ئیران کە وە ری ئینتەرنێت ئەنجام بدریەێد.

ئاژانس "ئیسنا" دیاریکرد سەرۆک ئیرانی مەسعود پزیشکیان هەفتەی گوزەشتە ئەخلاقی کاندید کردبوی ئەرا وەرگردن پۆست وەرگری، دویای نزیکەی 7 مانگ لە کوشیان وەزیر وەرگری وەرین، عەمید عەزیز نەسیرزادە، لە پەلاماریگ هاووه‌خت کە ئیسرائیل و وڵاتەیەکگرتگەیل ئەنجامی دان.

 دیاریکرد  ئەخلاقی لە وەرپرسەیل کارکەر لە کەرت پیشەسازی ئاسمانی و گەردوون ئیرانی هەشمار کرێد، و ناوی لە لیست سزایەیل ئەمریکی و ئەورووپی توومار کریاگە.