شەفەق نیوز- تاران

ماڵپەڕ فەرمی ریبەر ئیرانی موجتەبا خامنەیی، ئمڕوو یەکشەممە، راگەیان کە ئی دۊایینە چەوپیکەفتن وەگەرد سەرۆک ئیرانی مەسعود پزیشکیان کرد، لە یەکەمین چەوپیکەفتن فەرمی کە خامنەیی رایبگەیەنێد لە وەخت ناونانی وە ریبەر باڵا لە شوین باوگی عەلی خامنەیی کە گیانی لەدەسدا وە پەلاماریگ ئاسمانی ئەمریکی لە 28 فێبریوەری/ شوبات 2026.

 ماڵپەڕ ریبەرەگە وت کە دیدارەگە وەگەرد سەرەتای ساڵ سێیەم لە وەرگردن سەرۆکایەتی کۆمار لەلایەن پزیشکیان هات، و دیاری کرد کە هەردوگ لایەنەگە وە هۊردەکاری گفتوگۆ لەبان کێشەیل وڵاتەگە و ئەو گرفتەیلە کردن کە رۊوەڕۊی بوودەو، وە تایبەت ئەوەگ پەیوەندی دیرێد وە جیوەجیکردن هەوەجەیل ژیان ئەرا گەل، و دیاری کرد کە باس لە بڕیگ لە دۆسیە ئابووری و سەربازییەیل کرد، وەگەرد دۊایین پیشهاتەیل جەنگ و دابینکردن خوازینەیل ژیان ئەرا هاووڵاتیەیل.

 هەمیش وت کە گردەوبوینەگە باس لە رەوش ئیسەی جەنگ چەسپیای سێیەم و قۆناغ ئاییندە کرد، وەرد وەرەونواچگنەیل لە بوار سەربازی و ستراتیژیەتەیل مسۆگەرکردن سەرچەوەیل و وەڕێوەبردن خەرجییەیل و دراوە بیگانەیل و کەرت وزە.

هەرلیوا هەردوگ لایەنەگە، وەپای ماڵپەڕە فەرمییەگە، باس لە ریەیل هازدارکردن هاوکاری ئابووری لە ناوەین ئیران و لایەنە دەیشتەکییەیل کردن، لە چوارچیوەی گفتوگۆکردن لەبان سەختییە ئابوورییەیل و هەوەجە بنەڕەتییەیل وڵاتەگە.

سەرۆک ئیرانی پزیشکیان، چوارشەممەی گوزەشتە، دان نا وە سەختی پەیوەندیکردن وەگەرد ریبەر باڵا لە وەخت ئیسە، لە نووترین لێدوان فەرمی کە رەنگدانەوەی وەردەوامبۊن ناڕوونی دەورگرد دەرکەفتنی و رەوشی نیشان دەێد لە وەخت وەرگردن پۆستەگە دۊای کوشیان باوگی لە پەلامارەیل ئەمریکی و ئیسرائیلی لەبان ئیران.