شەفەق نیوز/ بەرزەوبۊین شمارەی تۊشهاتنەیل ئۆمیكرۆن وەشیوەی زۊییەگ لە جەهان،  هیشت ریکارەیل مقەیەتیکردن بوود، و ئامادەباشی وەکار باێد، وەتایبەت وەرجە چەن رووژیگ لە ئاهەنگەیل سەرساڵ.       

نیوزلەندا،  مەوقەی وازکردن سنوور ناودەوڵەتیی خستە دۊیا، و چەن دەوڵەتیگ دووارە ریکارەیل تەندروسی چەسپان.    

لە هیندستان،  سەرۆک وەزیرەیل حکومەت نیودیلهی داوا لە مەردمەگە کرد دەمامەک وەکاربارن، و هان حکومەت فیدراڵی دا ری وە واکسینەیکیگ تر بەێد ک وڵاتەگە ٢٠٠ تۊشهاتن وە ئۆمیكرۆن لە ١٢ ویلایەت توومار کرد.    

لە سەنگافورە،  وەزارەت تەندروسی تاقیکردنەوە کەێد تا بزانێد ئەو چەن کەسە ک لە هۆڵ وەرزشی  ئەگەر تۊش ئۆمیكرۆن هاتنە، و وەزارەتەگە هوشداری لە ئەگەر چەن تۊشهاتنیگ دا.    

لە ئەمریکا،  وەرپرسەیلیگ وتن: رووژ دووشەممە ئۆمیكرۆن گیان پیاویگ لە تیکساس رفان، و مەردمەگە وەڕزەو وسیان تا تاقیکردنەوەی کۆڤید-١٩ بکەن، تا بزانن ئەگەر تۊش ئۆمیكرۆن هاتنە، وەرجەیە وەگەرد خیزانەیلیان ئاهەنگ بکەن.             

کۆریای باشوور و هۆڵەندا و ئەڵمانیا و ئێرلەندا لەو دەوڵەتەیلە بۊین ک دووارە نیمچە بەسیانیگ یا بەسیان گشتگیر چەسپانن.    

و ئیسرائیل و ئەمریکا خستنە ناو لیست ئەو دەوڵەتەیلە ک گەشتکردن ئەرایان قەیەغەس لەوەر ئۆمیكرۆن،  و کوەیتیش داوای کارت واکسین گورجکردن لەوانە کەێد ک یە نۆ مانگە واکسین دۊیەم بردنە.    

لەلای خوەییش، تایلاند راگەیان ک ئەوەسا کەرەنتین تەندروسی ناچاری لەبان سەردانگەرەیل بیگانە چەسپنێد، ئەوەیش لە رخ بڵاوبۊین ئۆمیكرۆن.