شەفەق نیوز/ گرووپ "جیهاد ئەنالێتیکس" ک تایبەتە وە چەودیریکردن پەلامارەیل تیرۆری لە جەهان، ئمڕوو یەکشەممە، عراق دیاری کرد جویر زیاترین دەوڵەتەیل جەهان لە کەفتنی وە وەر تیرۆر، ئمجا نەیجیریا.
رووژنامەی "دەیلی پۆست" نەیجیریا لە زوان ئەو گرووپە وت: عراق کەفتیەسە وەردەم لە کەفتنی وەوەر پەلامار تیرۆری، و نەیجیریا و سوریا کەفتنە پلەی دویەم و سێیەم.
راپۆرتەگە دیاری کرد ک لەناوبەین کانوون دویەم و حوزەیران ساڵ ٢٠٢٢، عراق گەورەترین شمارەی پەلامارەیل تیرۆری توومار کرد ک رەسیە ٣٣٧ پەلامار، لە وەختیگ نەیجیریا ٣٠٥ پەلامار توومار کرد، وەرانوەر ١٤١ پەلامار تیرۆری لە سوریا.
راپۆرتەگە دیاری کرد ک گرووپەیل بوکو حەرام و ریخریاگ داعش لە خوەرئاوای ئەفریقا، وەرپرسن لە فرەی پەلامارەیل نەیجیریا، ئەوەیش هەرچەن حکومەت نەیجیریا وەردەوامە لە دووپاتکردن لەوە ک هیز تیرۆرستەیل وە شیوەی گەورەیگ نەمەنیە.