شەفەق نیوز ـ قاهرە

دەرچگن 4 عەرەبەی قەتاریگ لەکڕ ئاسنن لە نزیک ئاوای جرزا لە ناوچەی عیات لە پارێزگای جیزە خوەرئاوای قاهرە پایتەخت میسڕ، ئمڕوو یەکشەممە، بویە مدوو زەخمداری زیاتر لە 120 کەس.

دەزگا راگەیاننەیل میسڕی کە ئاژانس شەفەق نیوز وەدویاچگنی کردیە راگەیان، رویداوەگە هنای رویدا دامەزراوەیل ئەمنی ئاگادارکریان لە دەرچگن عەرەبەل لەبان رێڕەو خوەیان یەیش هیشت هێزەیل وەرگیری شارستنی دامەزراوەیل ئەمنی و تیمەیل فریاکەفتن دەسوەجی بڕەسنە شوین رویداوەگە مامەڵە وەرد ئاسەوارەگەی بکەن.

لە جواوداین ئەرا رویداوەگە وەزارەت تەندروسی میسڕی 50 ماشین فریاکەفن ئەرا بردن زەخمدارەیل ئەرا خەستەخانە کلکرد وە تایبەت لە پارێزگای بنی سۆیگ، لە وەختیگ ئاست ئامادەیی و فریاکەوفن لە خەسەخانەیل جیزە و بنی سۆیگ بەرزەو کرد ئەرا پێشکەشکردن چەودێری پزیشکی هەوەجەکریاگ.