شەفەق نیوز/ جانیت یه‌لین، وه‌زیر گه‌نجینه‌ی ئه‌مه‌ریكا پیشبینی كرد، ئاڵشتبۊی ئۆمیكرۆن ڤایرۆس كۆرۆنا هه‌ڕه‌شه له ئابووری جەهان دەێد و بوودە مدووی کەمەوبۊین گه‌شه‌ی ئابووری و گریە بخەێدە وەردەم ئاڵشتکردن بازرگانی.
یه‌لین له بەیاننامەیگ ئەرا ئاژانس هه‌واڵی "رۆیته‌رز" وت: نائاشکەرایی لەباوەت كاریگه‌ریەیل ئاڵشتبۊی ئۆمیكرۆن لە ئابووری جەهان دێرید.
باسکرد، "هیواخوازین كاریگه‌ریەیل ئاڵشتبۊیە نووەگە ڤایرۆس كۆرۆنا تاڕاده‌یگ وەرچەویگ نەوودە مەدووی کەمەوکردن گه‌شه‌ی ئابووری"، وتیش: "ناڕوونی فرە گەپیگ هالە ئارا، باوجی شایەت گرفت وەرچەویگ دروس بکەێد، تا ئیسە ئیمه هه‌ڵسه‌نگاندن ئەرا دۆخه‌گه کەیمن".
یه‌لین دووپاتیكرد، پیشبینی ئه‌وه کرێد، زنجیره نووەگە ئه‌و ڤایرۆسه گرفت ئەرا چین بازرگانی دروس بکەێد و بوودە مدوو گه‌شه‌كردن و دۊاجار خواستەیل کەمبکەن، یەش بوودە مدووی هێواشبۊین گه‌شه‌ی ئابووری له جەهان.
دۊیای پەیاکردن ئاڵشتبووی نوو ڤایرۆس كۆرۆنا له كۆتایی مانگ تشرین دۊیەم گوزەشتە، ك وه كوشنده‌ترین ئاڵشتبۊی كۆرۆنا دانرێد و له خێرایی پەخشبۊین وەرجە جۊرەگەی ده‌لتا کەفتیە، بۆرسه‌ی جەهان وەرەو دۊیاچگن وەرچەویگ وەخوەیەو دییە.