شەفەق نیوز/ ئەنجێلا مێرکڵ راوێژکار وەرین ئەڵمانیا لەپای تەقەلایەیلی ئەرا مقیەتیکردن لە پەنابەرەیل و وەپیدان ماف پەنابەریەتی ئەرایان، خەڵات نەتەوە یەکگرتگەیل ئەراپەنابەرەیل "نانسین" ئەرا ساڵ 2022 وەپی وەخشریا.

فیلیپۆ گراندی، کۆمسیار گشتی نەتەوە یەکگرتگەیل ئەرا کاروباری پەنابەرەیل راگەیان، " لە چوارچمگ هاوکارییەیل ئەرا زیاتر لە یەک ملیۆن پەنابەر و دەسمیەتیداێن ئەرا مەننەوەیان لە ژیان و دوارە بونیادنانیان، ئەنجێڵا مێرکڵ نموونەی ئازایەتی و ئەخلاقی سیاسی گەپیگ نیشاندا".

وتیش؛ خەڵات "نانسین"  وە ئەو کەس و رێکخریاگ و کۆمەڵەیلە وەخشریەێد ک کارکەن ئەرا مقەیەتیکردن کووچبەرەیل و پەنابەرەیل و بیڕەگەزنامەیل".