شەفەق نيوز- دیمەشق
گورزەیل ئیسرائیل، ئمڕوو چوارشەممە، وەبان دیمەشق دووارەو بوین، ئیجا کۆشک سەرۆکایەتی و وەزارەت وەرگری سوریا کردنە ئامانج.
میدیایەیل ئیسرائیل وتن: ئامانجەیل گورزەیل لە دیمەشق کۆشک سەرۆکایەتی و بیتای سەرۆکایەتی ئەرکان سوریا بوی.
ئاژانس رۆیتەرز وت: گورز ئیسرائیل وەبان بینای وەزارەت وەرگری سوریا کوشیان و زەخمداری لەلی بویەو.
وەزارەت وەرگری ئیسرائیل هەمیش راگەیان کە پەلامارە زیاندارەیل وەبان سوریا دەسوەپی کرد.
کەناڵ 12ی ئیسرائیل باس خەوەریگ کرد کە یەکەیلیگ جیاجیا لە هیزەیل سوپا ئیرنگە پەسا پەلامار سوریا کەن.
بنیامین نتنیاهو سەرۆک وەزیرەیل ئیسرائیل وت: سوپای ئیسرائیل کار ئەرا رزگارکردن برایەیلمان لە دورزیەیل کەێد و لەناوبردن چەتەیل رژیم.
لەلای خوەیەو ئێزگەی سوپای ئیسرائیل وت: سوپا ئامادەکاری کەێد ئەرا کلکردن دوو فیرقەی ئەرا ناوچەی جۆلان و سوریا کەێد.
کلکریای ئەمریکا ئەرا سوریا دیاری کرد کە گتفوگۆ ئەمانجدار خوازیەێد تا بڕەسێدە ئاگربەسی هەمیشەیی، وتیش؛ واشینتۆن وە زبری شەرمەزار تونوتیژی وەبان مەدەنیەیل لە سوەیدا کەێد.