شه‌فه‌ق نيوز/ ليره‌ى توركى به‌رزه‌و بوێ دوياى ئه‌وه‌گ دۆناڵد تره‌مپ سه‌رۆك ئه‌مريكى باس له‌وه كرد ك حاڵ حازر هوير له چه‌سپانن سزا له‌بان توركيا ناكا وه بوونه‌ى سه‌ندن سيسته‌م مووشه‌كى وه‌رگرى ئاسمانى له رووسيا.
ليره‌ى توركى وه گووش نه‌داين وه بڕيار وڵاته‌يل يه‌كگرتگ جيگير بوێ له دويره‌وخستن توركيا له به‌رنامه‌ى ئێف 35 دوياى ئه‌وه‌گ ده‌سكرده وه‌رگرتن سيستمه مووشه‌كى رووسى ئێس 400 له هه‌فته‌ى گوزه‌يشت.
جى باسه، ليره‌ى توركى وه ماوه‌ى كه‌ميگ به‌رزه‌و بوێ ئه‌را 5.6140 وه‌رانوه‌ر دۆلار دوياى رينمايه‌يل تره‌مپ وه‌رجه داوه‌زين ئه‌را 5.6350 له دوياى دانيشتن تاووتوكارى، وه‌لێ وه به‌رزوبوين مه‌ندنه‌وه وه ريژه‌ى 0,85 له‌سه‌د.