شه‌فه‌ق نيوز/ لوتكه‌ى G20 وه‌به‌شدارى ده‌يان سه‌ركرده‌ى جه‌هانى له شار ئۆسكا له يابان واز كريا، ك پيشبينى ئه‌وه‌يش ئه‌كريه‌ێد بدێده يه‌كيگ له‌و لوتكه‌يله ك جيايى وه‌خوه‌يه‌و ديه ئه‌را ماوه‌ى ساڵه‌يليگه.
شينزۆ ئابى سه‌رۆك وه‌زيره‌يل يابانى ئى لوتكه واز كرد ك له‌تى تاووتوێ فريه‌يگ جى مشتومڕ ئه‌كريه‌ێد له‌باره‌ى مه‌سه‌له‌يليگ ك په‌يوه‌سه وه بازرگانى و گرژيه‌يل جيوسياسى و ئاڵشتكارى كه‌ش وهه‌واو چه‌ن باوه‌تيگ تر.
له سه‌ره‌تاى دانيشتنه‌گه‌يش ئه‌نگيلا مێركڵ راوێژكار ئه‌ڵمانيا وت: ديدارى وه‌ل دۆناڵد تره‌مپ سه‌رۆك ئه‌مريكا، له‌تى باس له باوه‌ته‌يل فريه‌يگ ئه‌كريه‌ێد، له‌وانه‌يش بازرگانى و وه‌به‌رهاوردن و خوه‌رئاواى ئه‌فريقيا و له‌ناوبردن تيرۆر و ئيران، يه‌يش له‌وه‌ختيگ ك له‌لاى خوه‌ييشه‌و تره‌مپ له لێدوانيگ ئه‌را رووژنامه‌نويسه‌يل ميركڵ وه دووسيگ گه‌وراى خوه‌ى تاريف كرد وه‌رجه ديدارى ناونيان و باسيش له بازرگانى ناونى وڵاته‌يل يه‌كگرتگ و ئه‌ڵمانيا كرد.