شەفەق نیوز ـ بەیروت
وەزارەت تەندروسی لوبنان، ئمڕوو سێشەممە، ئامار قوربانیەل پەلامارەیل ئیسرائیل وەبان باشوور وڵاتەگە راگەیان کە 286 کوشیان و زەخمدار توومارکریاس.
قەکەر وەزارەتەگە لە بەیانیگ کە ئاژانس شەفەق نیوز دیەسێ راگەیان "پەلامارەیل بوینەسە مدوو کوشیان وەلای کەم 40 کەس و زەخمداری 246 کەس وە گورزەیل ئیسرائیل کە رووژ دووشەممە و سێشەممە وشانیەسێ".
دیاریکرد "هەڵەیگ تەکنیکی لە پشت راگەیانن دوەکەی وەزارەتەگە بوی، کە شمارەی کوشیاگەیل رەسیە 52 کەس".
نەتەوە یەکگرتگەیل رووژ سێشەممە، راگەیان، وە مدوو ئۆپراسیۆنەیل سەربازی و بۆردمانەیل ئیسرائیل وەبان ناوچە جیاوازەیل وەتایبەت لە باشوور وڵات و کوچەی "زاحیەی باشوور" بەیروت، لاێ کەم 31 هەزار کەس ئاوارە بوین.