شه‌فه‌ق نيوز/ هه‌فت كه‌س له روێ وه‌ڕوێ بوينه‌وه‌ى ناونى خوه‌ينشانده‌ره‌يل شيعه‌و پۆليس نه‌يجيرى له ئه‌بوجاى پايته‌خت كوشيان ك له‌لايه‌ن "بزووتنه‌وه‌ى ئسلامى" شيعه‌وه ريكخرياوێد وه‌خاتر داواكارى ئه‌را ئازدكردنى ئبراهيم زه‌كزه‌كى سه‌ركرده‌ى ك له‌ساڵ 2015ه‌وه تائيسه وه‌ل هاوسه‌ره‌گه‌ى زيندانيه وه تومه‌ت كوشتن و گرده‌وبوين ناياسايى.
له‌و باوه‌ته‌و، شايه‌تحاڵه‌يل و پۆليس نه‌يجيرى باس له‌وه كردن ئه‌و روێ وه‌ڕوێ بوينه‌وه‌ى له ئه‌بوجاى پايته‌خت بويه له ئه‌نجام زيندانيكردن پياويگ ئايينى شيعه و ده‌رئه‌نجاميش شه‌ش خوه‌ينيشانده‌ر و پۆليسيگ كوشيانه.
لاى خوه‌ييشه‌و، قسه‌كه‌ر وه‌ناو پۆليس نه‌يجيرى وت: ئه‌فسه‌ريگ باڵا له هيزه‌يل ئاسايش له ئه‌نجام كرده‌وه‌يل تون وتيژى كوشياگه‌و دو پۆليس زه‌خمدار بوينه و وه‌و خاتريشه پۆليس نه‌يجيرى داواى ئارامى كرد له هاووڵاتيه‌يل پايته‌خت.