شەفەق نیوز/ وزەی کارەبا لە دەیان هەزار ماڵ لە ئوسترالیا بڕیا، ئمڕوو جمعە، و فەرمان ئەرا دانیشتگەیل دەرچگ ماڵەیل چووڵ بکەن کە کەفنە وەر لافاو، دویای ئەوە کە کناراوەیل خوەرهەڵات وڵاتر کەفتە وەر وا و وارانڕ وەرجە رەسین گەردەلویل کڕ گەرمی ئەرا ناوچەگە.

مات کولۆبی، وەڕیەوبەر نویسنگەی کەشناسی خەوەردا کە مەزەنە کریەێد زریان "ئەلفرێد" لە کەنار ویلایەت كوينزلاند باکوور شار بريسبين لە وەخت زوویگ سوو شەممە رەد بوود، کە یەکەم زریانە لە ناوچەی لە ماوەی 51 ساڵ، وەگورەی ئاژانس "ئەسوشيتد پرێس".

کولۆبی ئەرا رووژنامەنویسەیل لە في بريسبين وت: گرنگە بزانیمن کە ری زریانەگە دڵنیایی نەیرێد.

 "ئەلفرێد" وەرەو خوەرئاوا چوود وەگەرد وایگ وەتونی 95 کیلۆمەتر لە ساعەتیگ نزیک ناوەد، و تونس گەردەلویلەیل رەسێدە 130 کیلۆمەتر لە ساعەتیگ.

کولۆبی وتیش: مەزەنە کریەێد هەناێ زریانەگە رەسێدە نزیک بريسبين کەمەو بوود.

وەرپرسەیل وتن: کارەبا لە 46 هەزار ماڵ و شوین بازرگانی لە ویلایەت  كوينزلاند بڕیار لەوەر رمیان دارەیل، و فرەگەی لە شار گۆڵد کۆست بویە.

وەرپرسەیل وتنیش: کارەبا لە 43 هەزار بینا لە شەوەکی جمعە لە نیو ساوت شەوەکی ئمڕوو جمعە بڕیا، وەلێ کارەبا ئەرا 6500 هەزاریان گلەو خوارد.

دەسەی فریاکەفتن لە ویلایەتەگە وت: فەرمان ئەرا 19 هەزار کەس دەرچگ تا نیمەڕو ماڵیان چووڵ بکەن لە نيوساوت ويڵز، یا وەنە کەفنە وەر لافاو.