شەفەق نیوز/ میدیایەیل ئیران راگەیانن، ئمڕوو شەممە، تەقینەوەیل سەختیگ لە شماریگ شارەیل ئیران رویدایە، لەناویانیش تەبریز و خورەم ئابادو کرمانشان.
ئاژانس خەوەری ئیران "فارس" لە خەوەریگ وە پەلە کە ئاژانس شەفەق نیوز دیەسێ راگەیان، "چوار شوین لەناوچەی ئازەربایجان خوەرهەڵات باکوور خوەرئاوای وڵاتەگە، رویوەروی پەلامارە مووشەکیەیل ئیسرائیل بوین" دیاریکرد "دەنگ تەقینەوەی قایمیگ لە تەبریز ژنەفیاس.
هەمیش دەنگ تەقینەوەیل یەک لەدویای یەک لە خۆرەم ئاباد و کرمانشان خوەرئاوای وڵاتەگە هاتییە، وەپای ئاژانسەگە.
میدیا راگەیاننەیل ترەک ئیران راگەیانن، دوو کەس گیان لەدەسدان وە وەخوارکەفتن مووشەکەیل لە ئەسەد ئاباد خوەرئاوای وڵاتەگە.
دەزگا راگەیاننەل ئیران ئاشکرایکردن، تەهرانراستەوخوەیواشنتۆن و لەندەن و پاریس ئاگادارکردیە لە دوارە دەسوەپیکردن پەلاماریگ فراوانتر وەبان ئیسرائیل، دیاریکرد ئیران ئەو وڵاتەیل ناوچەگە کەێدە ئامانج ئەگەر دەسمیەتی ئیسرائیل بیەن لە جەنگەگە.
لە وەرانوەر، دەزگایەیل راگەیانن ئیسرائیل راگەیانن، سووپا دەسکردیە وە ئۆپراسیۆنەیل پەلامارداین وە وەئامانجگردن "ئامانجەیل جویری" لەناو تەهران پایتەخت ئیران.