شەفەق نیوز/ سایت "Hasht-e subh" ئەفغانی، ئمڕوو شەممە، وت: فڕۆکەخانەی کابوڵ کەفتە وەر پەلاماریگ مووشەکەی مەوقەی دەرچگن ئەمیر خان موتەکی وەزیر دەیشت حکومەت وەختانەی بزووتنەوەی تاڵیبان، وەرەو پاکستان.
وەگورەی قسەی سایتەگە، سێ فەرمانبەر لەناو فڕۆکەخانەگە زەخمدار بوینە، و چەن کەسیگ مەدەنی، باوجی وەزیرەگە هویچیگ وەپی نەهات.
وتیش: پەلامارەگە ک سەرچەوەگەی نادیارە، سێ وە مووشەک فڕۆکەخانەگە کردە ئامانج، و زوور لەبان هووڵ گەشتیارەیل و هۆڵ گەورە کەسایەتیەیل کرد.
لەلای خوەییش، تەلەفزیۆن نیشتمانی ئەفغانستان وت: لەبان ئەوەیش موتەکی وەزیر رەسیە ئیسلام ئاباد و ئەوەسا چەوی کەفێدە وەزیر دەیشت پاکستان و چین.