شەفەق نیوز/ پەلاماریگ سیبرانی پەک ئەو ئەپلیکەیشنەیلە خست ک حکومەت ئیرانی لە جیای ئەپلیکەیشنەیل بیگانە جویر ئەنستاگرام و واتسئاپ و تیلیگرام دانادەی، وەگورەی قسەی ئەمیر لاجوردی سەرۆک جیوەجیکەر کۆمپانیای پەیوەندیەیل بینا ژیرینەیل ئیرانی.
ئەمیر لاجوردی وت: لە لویتکەی وەکارهاوردن ئەپلیکەیشن پەیام ناوخوەیی وەلایەن مەردم، دەسکریا پەلامارەیل سیبرانی لە دەیشتەو ئەرا نواگردن ئەو خزمەتە ک ئەرا پەیامنویسەیل گونجیاگە.
لاجوردی وت گوایە ئەو پەلامارە وە پرۆگرام سووکەوکردن DDoS وسیاگە ک گەنجەیل ئیران دروسی کردنە.
حکومەت ئیران سێ ئەپلیکەیشن پەیام دیرێد «سروش، و بەلەد ئای کیپ، وایتا».
لەی ماوەیل دویاییە، وەزارەت پەیوەندی و گەورە وەرپرسەیل ئیران هان مەردم ئەرا پەنابردن وەو ئەپلیکەیشنەیلە دان و واز لە ئەپلیکەیشن بیگانە بارن.