شەفەق نيوز/ سوپای ئیسرائیل، ئمڕوو سێشەممە، راگەیان کە ئاشکرای وەشیان مووشەکەیل ئیران وەرەو تەل ئەبیب و دەورگردی کردگە.

لەلای خوەییش، ئێزگەی سوپای ئیسرائیل خەوەردا کە 10 مووشەک ئیرانی ئاشکرا کردنە وەرەو ئیسرائیل وەشیانە.

فەرماندەیی بەرەی ناوخوەیی ئیسرائیل ئاگادارکردن زویوەزوی دەرکرد، دووپات وە کوتیان فیکەی هوشداری لە ناوچەیلیگ جیاجیا لە تەل ئەبیب و ناوچەیل دەورگردی.

 ناوچەی خوەرهەڵات ناوڕاس جەنگ رخداریگ وەخوەی دوینێد، کە ئیران و ئیسرائیل پەلامار یەکتری وە مووشەک و فرۆکەیل بێفڕۆکەوان لە شەفەق رووژ جمعەی گوزەشتەەو تا ئمڕوو سێشەممە دەن.

هەرچەن کۆمەڵگای ناودەوڵەتی بانگەواز ئەرا ئاگربەسی ناوەین دوو لایەن کەێد، وەلێ پەلامارەیل مووشەکی وەردەوامن.