سێرگی ئاکسیۆنۆڤ لە ئەپڵیکەیشن تێلێگرام راگەیان، "لە ئەنجام پەلامار فڕۆکەی بێفڕۆکەوان دوژمن لەبان  ناوچەی کراسنۆگڤاردیسکی، تەقینەوەیگ لە ئەمار تەقەمەنی رویدا".

وتیش ؛ "بڕیار چووڵکردن خەڵک لە مەودای پەنج کیلۆمەتر دریا، و ئەرا کەمکردن مەترسییەیل، بڕیار وسیان هامشوو قەتار لەبان کڕ ئاسن کریما  دریایە".

 ڤۆلۆدیمیر زێلێنسکی، سەرۆک ئۆکرانیا وەرجەیە راگەیان ک ئەو پیەڵ کریما ک وە رووسیا بەسیدەو جەنگ دروس کەێد نەگ ئاشتی و ئەراوە ئامانجیگ سەربازیە.

 لە 17ی تەممووز، تەقینەوەیل لەبان پیەڵەگە بوینە هوکار گیانلەدەسدان دوو هاوڵاتی مەدەنی و بەشیگ لە پیەڵەگە لە خزمەتگوزاری دەرکرد، دویای ئەوە ک وەی دواییە گلەو خوارد ئەرا  کارکردن تەواو،  دویای ئەوە ک لە ئۆکتۆبەر 2022 لە  پەلاماریگ هاوشیوە زەردە فرەیگ وەپی رەسێد، چوینکە پیەڵەگە بەشیگی وە تەقینەوەی  تانکەریگ سووتەمەنی زەردمەن بوی.

 کرێملین وەکوتپڕ گلەیی خستە بان کیێڤ وە هوکار تەقینەوەگە،  و پوتینیش وت؛ یە کردەوەیگ "خراوەکاریە" لەلایەن دەزگا ئەمنییەیل ئۆکرانیا،  ک دویای تەقینەوەگەی ساڵ گوزەشتە مۆسکۆ زویوەزی دەسکردە خاسەوکردن پیەڵەگە.